喺煙霧繚繞之間 睇清生命嘅重量
願每一位翻開呢本書嘅讀者，
讀完呢廿幾個故事之後，
行出靈堂嗰扇門嘅時候，可以深深吸一啖新鮮空氣，
回頭望一望嗰個已經遠去嘅身影，然後記得
——活著嘅時候，能夠講出口嘅說話，
唔好留到靈堂先講；
能夠和解嘅結，
唔好等到陰陽相隔先嚟後悔。
因為死亡教會我哋嘅，
從來都唔係點樣死得風光，
而係點樣喺有限嘅日子入面，
學識溫柔咁對待身邊每一個人。
香港善終禮儀教室
我哋係「香港善終禮儀教室」，一班喺殯儀界做咗超過二十年從業員。我哋唔同崗位——有行街、禮儀師、堂倌、化妝師、凶宅清潔師、仵工——日日夜夜面對死亡，見盡生死，見盡人情冷暖。
有人喺靈堂喊到聲嘶力竭，因為一句「我愛你」再冇機會講；有家人為咗遺產反目，先人仲未落葬，嗰種冷漠比死亡更凍。凶宅清潔師入到屋，見到牆上血跡同未執好嘅衫，先知一個人走得咁突然，連同屋企人講聲再見都冇機會。仵工抬起嘅唔單止係遺體，仲係一個又一個冇咗將來嘅故事，每一具冰冷嘅身軀背後，都藏住未曾講出口嘅心願。
我哋唔係想嚇你，而係想話你知：死唔係最可怕，最可怕係帶住遺憾走。呢本書，就係想同所有人講——無論你係男係女、幾多歲、咩身份——唔好等將來先識珍惜。同家人溝通，唔係叫你日日打長途，而係得閒食餐飯、傾吓偈、唔好粒聲唔出。我哋成日去老人院做講座，同啲老人家傾偈，佢哋講得最多嘅唔係錢，而係「如果當初我肯講多句嘢就好」。所以，我哋想早啲同你講，唔好等到靈堂先嚟後悔。
活在當下，唔係口號，係行動。我哋用二十年嘅所見所聞，換你一個醒覺。珍惜眼前人，就係咁簡單。
序
我接咗行家最驚嘅 case
給妻子做最後的一件事
潮聲不息
無言告別
深夜嘅最後一班車
最後的統籌
來不及的約定
夕陽與殘軀
無聲的紙條
阿妹間房
兩個儀式，一份和解
浴室暗格
靈堂上嘅美術課
生前契約
失智症與預立生前契約
過客
披麻戴孝的意義
擔幡買水的企圖
賣樓葬父的孝女
鴛鴦蝴蝶命
最後的體面
靈前破心獄
血緣判書
後記